Fshirja e llogarisë dhe e të dhënave

Llogarinë tuaj Squadin mund ta fshini vetë, nga aplikacioni, në çdo kohë. Kjo faqe shpjegon si bëhet dhe çfarë ndodh me të dhënat tuaja; hollësitë e plota gjenden në Politikën e Privatësisë.

Nga aplikacioni

1. Hapni Squadin dhe hyni në llogari.
2. Hapni menunë dhe prekni Llogaria.
3. Te seksioni Privatësia, prekni Fshij Llogarinë Tënde.
4. Shkruani delete all për ta konfirmuar dhe prekni Shkatërro.

Shpenzojeni ose tërhiqeni SKOIN-in para se ta fshini llogarinë: një bilanc i mbetur në një llogari personale të fshirë nuk rimbursohet dhe nuk paguhet.

Nëse nuk mund ta hapni aplikacionin

Na shkruani në alban [at] squadin [dot] com nga një adresë ku mund t'ju kontaktojmë, me numrin e telefonit të llogarisë. Verifikojmë që kërkesa vjen nga pronari i llogarisë dhe e fshijmë llogarinë brenda 30 ditëve.

Çfarë ndodh kur fshini llogarinë

• Llogaria juaj mbyllet dhe profili hiqet menjëherë nga Squadin: askush nuk mund ta shohë apo ta gjejë, askush nuk mund të hyjë në llogari, dhe dilni nga llogaria në të gjitha pajisjet.
• Metodat e lidhura të hyrjes fshihen përgjithmonë: për Apple, Google dhe Facebook, ID-ja e llogarisë dhe adresa e email-it që na ka dhënë ofruesi; për një passkey, çelësi i tij publik. Fshihen përgjithmonë edhe regjistrimet e njoftimeve push të pajisjeve tuaja.
• Fotot, videot, mesazhet zanore dhe dokumentet që keni dërguar në chat-e fshihen përgjithmonë nga hapësira jonë e ruajtjes.
• Skuadrat ku ishit administratori i vetëm arkivohen, dhe qendrat sportive ose organizatat ku ishit administratori i vetëm mbyllen.

Çfarë ruajmë

Ruajmë ato pjesë nga të cilat varen të dhënat e lojtarëve të tjerë, si dhe ato që kërkon ligji:

• Ndeshjet që keni luajtur: formacionet, golat, rezultatet, statistikat dhe çmimet janë pjesë edhe e të dhënave të lojtarëve të tjerë.
• Mesazhet që keni dërguar mbeten në chat-et ku ishit: në telefonat e anëtarëve të tjerë dhe në serverët tanë derisa të mbarojë periudha e ruajtjes së mesazheve sipas Politikës së Privatësisë.
• Transaksionet e portofolit, faturat dhe tërheqjet, për 10 vjet, siç e kërkon legjislacioni tatimor dhe kontabël.
• Regjistri i llogarisë me të cilin lidhen të gjitha këto, sepse heqja e tij do t'i prishte ato të dhëna. Ai mbetet i fshehur dhe nuk mund të përdoret, dhe të dhënat personale që mbeten në të fshihen ose anonimizohen kur mbarojnë periudhat e ruajtjes të përcaktuara në Politikën e Privatësisë.

Apple, Google, Facebook dhe passkey-t

Kur fshini llogarinë, fshihen menjëherë të gjitha metodat e hyrjes të lidhura me të. Nëse doni të mos përdorni më vetëm njërën prej tyre dhe ta mbani llogarinë, hapni Llogaria → Metodat e hyrjes dhe hiqeni atje: fshihet menjëherë nga të dhënat tona, dhe numri i telefonit e fjalëkalimi vazhdojnë të funksionojnë. Squadin mund ta hiqni edhe nga aplikacionet e lidhura me llogarinë tuaj Apple, Google ose Facebook.